إفقيرن ن إداولتيت
زغ واس ن لخميس أمزوارو زغ وايور ن يناير غ كو أسكاس, أر سكارنت تقبيلين ن إداولتيت (اداوباعقيل د اداوسملال د اداكورسموكت) ن إلان ك ادران ن واطلاس امزان و تكوت غ سوس يات تاميورت نا ايكان يات زغ تميورين ن تاسكا ياد نا إتوسان س الكرم د الخير.
تاميورت اد ايسم نس "إفقيرن ن داولتيت" د تبدا غ اوزمز ن السعديين غ تاسوت تيس مراو د سضيس س أفوس ن الفقيه سيدي احمد اوموسى اتومضالن غ الزاويت ن تازروالت.
تاميورت اد ار كيس تمونان إفقيرن غ يات ترابوت داو ن ترياست ن لامين نسن ار تدورن ف تسكوين ن تقبيلين ن إداولتيت د ار اسند تزياد وياض غ كايكات تلاتين ودغار نا تكان.
سك ايدغارن اد أ نبدر :الزاويت ن سيدي أحمد أموسى د سيدي احمد أبعقيل بتيزكي اداوبعقيل د إغير ن موسى د أفلا وكنس د ورزان د الزاويت ن سيدي لحسن اومبارك بتموديزت غ تيغمي د سيدي احمد اعزى غ دار الأربعاءد تافراوت المولودغ أنزي د المدرست ن للا تيعزة غ إداوسملال د سيدي محمد اويدير غ اداكوكمار د تيمزكيدا تماشت د تيمزكيدا ن تدارت د المدرست ن ازاريف د كرا ن تمزكيديوين غ ازاغار د الزاويت ن سيدي وكاك غ أوكلو غ تيزنيت.
تعليقات
إرسال تعليق