الرايس سعيد أشتوك

الرايس سعيد أشتوك

سعيد بيزران , إتوسان س إسم ن سعيد أشتوك (س تمازيغيت: ⵙⵄⵉⴷ ⴰⵛⵜⵓⴽ) (إلول غ اوسكاس ن 1925  غ سيدي بوسحاب - إيموت غ  7 شتنبر 1989 غ الرباط) ايكا انضام د الرايس . ار ايتارا امارك س اوفوس نس  س  تشلحيت.

تودرت نس:

الول الرايس سعيد بيزران غ اوسكاس ن  1925 غ اودوار ن  بيزوران، غ تقبيلت ن إدَاوْ بوزيا نا ايوالان سيدي بوسحاب غ لاقليم ن واشتوكن آيت باها غ تاسكا ن سوس ماست غ المغرب.
 يوسي اسم ن  أشتوك زغ ادغار ليغ الول, اشكو أشتوك س تشلحيت ار ت تنين اي ووانا الان غ تميزار ن واشتوكن. باباس ايكا الفقيه إسلمد اس  القرآن د تيغري د تيرا غ اودوار. ايكشم س الفن ن تيرويسا زغ مزي نس بدونت المواهب نس ار د تبايانت ليغ ايتنضام امارك د ار ايكات لوطار.

غ اوسكاس ن 1958 ايكشم ترابوت ن الرايس حماد أمنتاك  ايسكر إلما ترابوت نس ايسمون كيس توكت ن الفنانين زوند  رقية تالبنسيرت د فاطمة تبعمرانت. إغنى سعيد أشتوك غ المسيرة نس توكت ن المواضيع زوند المشاكل ن اوفكان د المجتمع د الوطنية نغد تنامورت. إشجل أمارك نس غ الديسك د الكاسيط, ايسكر توكت ن ايمودوتن غ المغرب اولا غ برا ن تمازيرت.

غ ايكر ن السياسة نغد تاسرتيت, سعيد أشتوك ايكا انازور امزوارو غ المغرب نا ايكشمن السياسة كعضو غ الجماعة ن بلفاع ، إمثل ايت تمازيرت نس غ الجماعة.

إويس ن سعيد أشتوك اسم نس محمد بيزران ايكا يان اوضبيب ايتوسان غ  سوس, د ايكا اضبيب ن ترابوت ن الحسنية .

ايموت سعيد أشتوك أس ن 7 شتنبر 1989غ الرباط, ضارات ما يوضن.