الرايس محمدألبنسير

الرايس محمدألبنسير

محمدألبنسير ايكا الفنان نغ انازور د اونضام زغ تاسكا ن سوس غ بالمغرب.

تودرت نس
إلول محمد أولحسن ألبنسير غ اوسكاس ن 1940 غ اودوار ن تامسولت غ إلبنسيرن تما ن ايمي ن تانوت غين أغ د إمقور. زون كولو افرخان ن اودوار إزممت باباس غ تمزكيد باش اد كيس إيلمد احسو كيس القران. احسا كيس تغامت نس ن العيلم د القران. تيزي اد غ تودرت نس تظاف تاغلاغالت نس غ تنضامين نس.

ايكا ت ين ار ت ايتعجاب اومارك ن الحاج بلعيد د بوباكر أنشاد د وياض نا ايكاتن الريباب. غاكودا ايبدا ارتن ايتقلاد د ايضفار اغاراس نسن ايسغ ايلما الريباب نس مقار اور اس رين ايت دارس . ماش ليغ اسحوسا س ايخف نس ايس دارس تلا الموهبة ايضفار اغاراس نس غ اومارك. ايبدو ار ايسموريك ار ايتلحان غ ايدوران ن تما نس د ايمدوكال نس غ المناسابات.

غ البدا ن 1960 ايسافر س الخارج ايزري ن كيس يات المدة ار ايتماتاي كر سويسرا د المانيا ار ايتلي س تاوري مقار د غيكان ايضفار بدا امارك نس. ياغولد س المغرب ايضفار كيس امارك نا غ ايفكا كولو توكاس نس. غ 1970 توقعاس يات لاكسيدا ايتشلل ايكاور غ الكرسي ن المعاقين غايلي ايغامان غ تودرت نس.

مقار د المرض إغني  الحاج محمد البنسير ف كايكات تغاوسا زوند الدين د المجتمع د السياسة د الوطن نغد تامورت. اغني ف المساكين ايساول ف الهموم نسن بزاف ايس اك ايكا زغ الفنانين لي ايزوارن ايس تيامازن  ف اومارك نسن.

 
إموت ايكلين محمد البنسير غ اوسكاس ن 1989 غ تمدينت ن الدار البيضاء ايفلد توكت ن اومارك ايفولكين .