مانيك ءاس تسكارت الرجيستر دو كوميرس نغد السجل التجاري Registre de Commerce.
ءيغ را تسكرت البيع ءو الشرا نغد كرا ن الحرفت غ كرا المحال تغاوسا تامزواروت نا غ را تخممت ءيكات ءا تسكرت الريجيستر دو كوميرس نغد السجل التجاري RC.
لان سين واناون ن الريجيسترات :
- وين -"الأشخاص الطبيعيين" زوند التجار د ءيصنايعين د ءيد بو الحرافي د المنعشين العقاريين د ويلي ءيساتين ....
- وين " الأشخاص المعنويين" لي ءيكان الشركات .
ءاناو ءامزوارو ءيرخا د ءور باهرا كيس لان المصاريف ماش ويس سين ءيشقا ءيميك سلاوانت ءاك ف ميدن لي ءيكان على قد الحال.
تزضارت ءا تسكرت ءاناو ءامزوارو ن الريجيستر س ءيخف نك :
تزضارت ءا تسكرت ءاناو ءامزوارو ن الريجيستر س ءيخف نك :
- سيزوار قلب س كرا المحال ن الكرا تكروت س الكونترا تكاليزيت غ المقاطعة , تسجلت ءيلما غ دار التسجيل لي غا تخلاصن الفينيت س 200 درهم.
- دو ءيلما س دار الضريبة غين راد ءاك فكين كرا الوراق عمرتن توريت دارسن ءاد ءاك فكين يات الشهادة ءيسم نس لاباتونت la patente.
- سمون العقد ن الكرا د لاباتونت تدو دار كاتب عمومي تينيت ءاس ءاداك ءيعمر ليزامبريمي ن الريجيسر دو كوميرس نغد السجل التجاري. راد ءاك يكف 3 ن النمادج . سينيتن نغد وقعتن تكاليزيتن.
- سمون غيلاد العقد ن الكرا د لاباتونت د ليزامبريمي د سنات فوطوكوبي ن لاكارط نك . تدوت س المحكمة التجارية نغد س القسم التجاري غ المحكمة الابتدائية تخلصت 150 درهم غ الصندوقت تدفعت الدوصي غ قسم السجل التجاري .
- ها كيي دارك الريجيستر دو كوميرس نغد السجل التجاري registre de commerce .
ءا يسخر ربي
تعليقات
إرسال تعليق