لحسن اجماع

لحسن اجماع

لحسن ءاجماع ءيكا ءانضام د الرايس . ءيسم نس لحسن ءو محمد ءو الحسين المديدي ءيتوسان سءيسم ن الرايس لحسن اجماع .

ءيلول غ ءوسكاس ن 1949  غ ءودوار ن تاجوايدات غ الجماعة ن  المهارة غ ءولاد برحيل غ ترودانت . الرايس لحسن اجماع ءيكا يان زغ ءينمغورن ن تنضامت د ءوحواش غ ءيفوس ن المغرب ،ءيتوسان باهرا دار ءوكدود ن تزوري ن ءوحواش غ ءوكنس ن المغرب ءولا غ برا نس.

ءيكشم ءوجماع المدرست غ ءوسكاس ن 1958 لي غ دارس تزا (9) غ العمر نس  ءيزري كيس يات تيزي ءيشقان ءاشكو الضروف ن تيغري شقان ، ما يان ءاف ءيفاغ المدراست زغ القسم ويس سموس ءيبتدائي ،ءيسووري غ تفلاحت د ءوقاز ن ءونا ، ءيتاهل غ ءوسكاس ن 1971 ، ءيبدو ءيلما ءار ن ءيكشم ءاسايس، ءيبدا ءار ءينضم ءامارك زغ ليغ دارس كوسط  (4) ن ءيسكاسن غ العمر نس ، ماش البداية نس ءيصحان غ ءوسكاس ن  1974 ،  ليغ ءينا النضم غ منيد ن يان سين غ ءينمغورن ن تنضامت نا ءيتوسان غ تيزي ءان ، ءاد ت ءيكان د الرايس محمد بويحزماي د الرايس عثمان ءوبلعيد .

يورا  لحسن ءاجماع توكت ن تنضامين د ءيدرا غ مناو ن تملديوين نغد  المناسبات د مناو ن ءيويزن ن النضم د ءوحواش ءيكشم ءولا مناو ن ءيبورزن ن تنضامت كراس د مناو ن ءينضامن. ءيسوفغ د مناو ن تسفيفين د سيديان ن ءومارك .

ءيكا د لحسن ءاجماع مناو ن تميزار ن برا زوند : سبانيا د فرانسا د هولاندا د باجيكا د لوكسومبورك غ يان ءوسوتل ن ءومارك غ ءوروبا غ ءوسكاس ن 1985 ، غيك لي ت ستين ءا يك الرايس ن  الجمعية ن ءيماريرن نا غ لان مناو ن ءينضامن ن ءوحواش غ 1 شتنبر 2003 ، د ءار ءيسووري غ مناو ن نمسمونين ن تنفاليت نغد التنمية غ تمازيرت نس.