الرايس الحاج بلعيد

الرايس الحاج بلعيد
الحاج بلعيد ءيكا الرايس د يان زغ ءينمغورن ن تنضامت غ تاسكا ن سوس. د ءيكا يات تمتارت ن ءومارك غ المغرب ءاك.
 الحاج بلعيد ءيلول كر  1870 د 1875 ماش ءور ءيتوسان منشك ءادار غ العمر نس نيشان. ءيكا زغ يات تاوجا نا مو ءيدروس الحال غ ءودوار ن وانو ن عدي غ الجماعة ن ويجان نا ءيوالان ءي تزنيت.
ءيموت باباس ءيفلتيد سول ءيمزي تسكشمت ءيناس س تمزكيدا ءا ياقرا , ماش لاحوال ن ايت دارس ءور ت ءوجين ءاد ءيكمل تيغري نس ءيفغ ءيلما ءار ءيكسا غ ءيداو باعقيل باش ءا ياوس ءي ءايت تكمي نس . ءيزري توكت ن تمزي نس غ تكسا غ ءونزي.
غ تكسا ءاغ ءيلمد الحاج بلعيد النضم د ءومارك د العواد . ءيماتي ءيلما س الزاويت ن تزروالت غين ءاغ ءيمقار د ءيركزن ن النضم د ءومارك ءيلمد دارسن.
غ ءوسكاس ن 1938 ءيسجل الحاج بلعيد ءامارك نس غ  فرانسا.
ءيموت الحاج بلعيد كر 1943 د 1948.الا ما ءيتينين ءيموت غ 1945.
تسيمغور سيس تمدينت ن تزنيت ليغ ءاس تسكر يان التيمتال ن ءوزال غ ءوساراك ءازكزاو غ تكمي ن توسنا ن تيزنيت.
تسيمغور سيس القناة ن تمازيغت ليغ ءاس سكرن يان المسلسل س ءيسم ن "ءاغبالو" نا ءيساوالن ف تودرت ن الرايس الحاج بلعيد.