فكاياخ لوصيت - ارشاش
الطير ن جبال ءا مولاي براهيم بوسلام
ءولا كول ما يغين ءاغاراس ءيصلحن نغراياسن
ءاك نساقسا غ الدونيت فكايغ لوصيت
ءيرواياس نيت لخلق ءيغ ءيطاف ءودم ءيقورن
ءيك ءوهو د وينس تان ءاس ءور ءيفاغن ءينينت
ءا كويان دا كمرن ءيغ راد ءيكمر تينك
ءا كويان دا يتيني ءيخف ءينو لهونيس
ءا كو يان دا يتسوق ءاس ن السوق نس عمرنت
ءيما السوق ءيتياوشراكن ءا يرواس د ءودم ءيشركن
ياروديت نغ ركان الهم ءان ءيبضا ف ميدن
ءيغ ءور ءيك غمك لي س مقار نماغ فلاسن
غين الفايدا س دان ءيواليون كرونيس
ءا صاحان كيسنت ءيطاف يان ءيسغرن ءيخف
ءاداك ءيسكار ءيمي س ءيواليون تجماعت
ءا كيك ءيزو ءيملاك ءاغاراس غ ءوساون
ءيسرس ءاك غ ءوغاراس لمنداف ءيمدياك
سول ءيضوفك ءيد غ كيكان ءا ك ءيزر غ تاساست
ءار ءيكند ءومغدار ءاخداع ءيغدر سرسن
ءور ءيموت لامان ءولا لغدر غ ميدن ءيسولن
مامنك ءا نحول ءا تودرت ءام نك واحدويانخ
ما راد ءيكر ءاسنان ءيغ ن ءيضر غ طيط ءينو
ءاك نساقسا مامنك را تسكرت ءي الهم نك
ءا يان ءيكسان ءازال ءيكن ءوشن غ تاما نس
تارو ءاس ن توشنت غيلي غ كلان ءيزامارن
الهم ءا الهم ءازرك ءيداومن ءا تكا لوقت
الهم ءا الهم ءاراو لفتنت ءا يكا وشن
راك ءيكند راك ءيشمت ءاكناد ءايكا وشن
ءيكا وشن ءيغ توجيت ءوكان ءيكمر لوقت
ءيكان زوند ءامكسا سن ءاوال ءيزامارن
ءولا تيخسي ءيجين غ تيلي ءيصبر سيسن
تعليقات
إرسال تعليق