ما تسنت ف عبد الله بن ياسين ؟
ءيلول عبد الله ءو ياسين غ تيزويرا ن تاسوت تيس سموس ن الهجري غ تمازيرت ن تامنارت غ تاسكا ن طاطا . ءيغرا دار توكت ن ءيماسان (العلماء) كيسن وگاگ ن زلو اللمطي.
ءيبدا تودرت نس ن توسنا ءار ياقرا ءي ميدن ءاد ءاغولن س الدين ءيصحان د ءاد سكارن س الشرع , ءيسكر الرباطات غ كايكات تمازيرت نا س ءيدا ماش الرباط ءامزوارو نا ءيسكر غ ءيفريقيا تاسكانت غ تما ن واسيف ن ساليكان , ءيلين دارس ءيمضفارن د ءيمحضارن زغ تقبيلين د ءيتوسان س توسنا (العلم) نس د تغاراست نس ءيفولكين. مون دارس ما يتكان الف ن ءيمحضارن ءيسما ياسن ءيمرابطن س ءيسم ءاد ءاس توسان غ ءومزروي.
ءيكا يحيا ءو عمر ءالمتوني ءامغار ف تقبلين سنتون (بدون) ءيلما غ الجهاد د ءوسيمغر ن تنباضت س العسكر د ءوقاريض ءيسمون تميزار ن سجلماسة د ءاغمات ءيتوسع ءار برغواطة ضفارنت ءيلما تيقبيلين ن ءيمصمودن (ءيشلحين) كولوتنت ءورتا ءيموت. ءيموت عبد الله ءو ياسين ءاس ن 7 يوليو 1059 غ يان ءيميغ د ءيبورغواطن.
تاكلديت ن ءيمرابطن |
ءور تلكم تاسوت تيس سنات د مراوت ءايليغ نبضن (حكمن) ءيمرابطن المغرب كولوت د كرا غ دزاير (الجزاءر) د كرا غ تميزار ن تاكوت ن ءيفريقيا تاسكانت د الاندلس غ ءوزمز ن يوسف ءو تاشفين.
تيمضلت ن عبد الله ءو ياسين غ تمازيرت ن الرماني :
تعليقات
إرسال تعليق