ما تسنت ف ءيميغ ن الارك كر الموحدين د قشتالة

ما تسنت ف ءيميغ ن الارك كر الموحدين د قشتالة

ءاس ن 18 يوليو 1195 نران الموحدون غ ءوزمز ن ءوكليد ءابو يعقوب المنصور غ ءيميغ ن الارك العسكر ن تكلديت ن قشتالة ن ءوكليد ءالفونسو ويس تام. ءيميغ ءاد ن الارك ءيكا زوند ءيميغ ن الزلاقة نا ءيتوسان . ماياد ءيسدوس تنباضت ن الموحدين غ الاندلس.

ءيميغ ءاد يوشكا د ضارات ما يوكي ءوكليد ن برتقيز ف تمدينت ن مشلة نا مو ءيسم غيلاد شلفش ءينغ ميدن نس ءيعدبتن د ضارات ما ءيكمل ءومساسا ن ءوفرا كر ءالفونسو د ءابو يعقوب المنصور د ليغ ءاك ءيصافد ءالفونسو يات تبرات ءي ءابو يعقوب المنصور ءار كيس ءيتصا غ ءابو يعقوب المنصور د العسكر نس.

ءينا بن عذاري ماس ءيميغ ءاد موتن كيس زغ العسكر ن قشتالة ما يتكان ثلاثين ألف تيامازن ثلاثة عشر ألف . 

ءيضفار السلطان المنصور تاوادا نس غ ءيكاليون ن قشتالة يامز القلعت ن رباح د تمدينين ن تروخلو د بينافينتي د مالاغون د كاراكويل  د كوينكا د تالفيرا كولوتنت لانت تاما ن طليطلة تمازونت (العاصمة) ن تكلديت ن قشتالة. ءيدو ءيلما ءابو يعقوب المنصور س طليطلة ءيسوتلاس ءايليغ د سيس تفغ ءيناس ن ءالفونسو د ءيستيس د تمغارين نس ءارت سحورمون ءا ياج تمازيرت ءان , ءيعفو فلاسن ءيلما ءابو يعقوب المنصور ءيكرم تيمغارين ءان س ءيقاريضن د الجواهر , ياغول س قرطبة. 

الموحدون تكا يات تكلديت تمازيغت ميدن لي ست ءيسكرن ءوشكان د زغ تمازيرت ن تينمل غ النواحي ن ترودانت زوند المهدي ءو تومرت د عبد المومن ءو علي ءاكومي. 

.